ForumContactWebmaster
Problem reading Tigrinya? Install these fonts: GeezUnicode | GeezMahtemUnicode | GeezTypenet

ኣግሂዶም፡ ዉጹ ካብዚ ሃገር ዘይብልዎም?
"ኪድ ኣይትበሎ ከም ዝኸይድ ግበሮ" ዝብል ምስላ ነዚ ከምዚ ዝኣመሰለ እዩ ተመሲሉ።
 

ኣብ ዝተፈላለየ ከባቢታት ኤርትራ ጽዑቕ ግፋ ክካየድ ከምዝቐነየን ገና ይቕጽል ከም ዘሎን ምንጭታት ካብ ኤርትራ ገሊጾም።

እቲ ግፋ፡ ኣብ ከረን፡ ሓጋዝ ኣቑርደት ከምኡ'ውን ኣብ ካልእ ከባቢታት ኤርትራ ከምዝተኻየደ ናይ ዓይኒ መሰኻኽር ገሊጾም።

ሰራዊት ምክልኻል ኤርትራ፡ ነፈሲ ወከፍ ኣባይቲ እናፈተሹን ኣብ ጎደናታት ንዝረኸቡዎም መንእሰያትን ይገፉ ምህላዎም እቲ ምንጭታት ይሕብር።

ኣብ ሓጋዝ ብኣማኢት ዝቑጸሩ ሰራዊት ምክልኻል ኣብቲ ጎደናታት ደድሕሪ ነብሶም ከድሕኑ ዝፍትኑ ዝነበሩ መንእሰያት እናጎየዩ በባትር ክኹብኩቡዎም ከምዝተራእዩ ንቢቢሲ ተዛሪቦም።

ምኽንያት እቲ ግፋ ዋላ እኳ ብንጹር እንተዘይተፈልጠ፡ ብፍላይ ኣብ ከረን ኣብ ኣብ መናድቕ ''ይኣክል'' ዝብል ጽሑፋት ከምዝተለጠፈን፡ እቲ ግፋን ምናልባት ምስኡ ዝተኣሳሰር ከይከውን ዝብል ግምት ከምዘሎ ምንጭታትና ኣረዲኦም።

ብኻልእ ወገን ኣብ ዝተፈላለየ ከባቢታት ኤርትራ፡ መንእሰያት ንሳዋ 'ኣይንወርድን' ኢና ይብሉ ከምዘለው፤ ካብዚ ብምብጋስ ከኣ ሓያሎ ምምሕዳራት ንስድራ ቤታታት ኣኪቦም "ደቅኹም ንሳዋ እንተዘይወሪዶም ብጥረ ገንዘብ ክትቅጽዑ ኢኹም" ዝብል መጠንቀቕታ ይወሃቦም ከምዘሎ ይግለጽ።

ኣብ ዝሓለፉ ሳምንታት መንግስቲ ነተን ብካቶሊካዊት ቤተክርስትያን ዝውነና ማእከላት ጥዕና ምህጋሩ ዝዝከር ኮይኑ፡ ኣብ ዝተፈላለየ ከባቢታት ኣስመራ "ይኣክል" ዝብል ጽሑፍ ኣብ መናድቕ ይጸሓፍን ጽዑቕ ግፋ ይካየድ ብምህላውን ህዝቢ ሻቕሎት ፈጢሩሉ ምህላው እቲ ምንጭታት ይሕብር።

ብኻልእ ወገን እውን ብሰንኪ ምዕጻው ዶባት ኢትዮጵያ፡ ሱዳንን ጅቡትን ዋጋ ሃለኽቲ ነገራት ብምውሳኹ ህዝቢ ይማረር ምህላው ኣረዲኦም።

ቶሮንቶ፡ ከናዳ፤ ትዓጠቕቲ አይተውሕዱ፤ ዳሰ ኣይተጽብቡ።
ካብ ይኣክል ዲሲ ከባቢአን ቦስቶንን ከባቢአን ኣጋይሽ ሁሩግ ክይበልኹም!!

ንይኣክል# ካናዳ ጉባኤን ፈስቲቫልን ንምስታፍ ንቶሮንቶ ይብገስ ኣሎኹ። ካብ 13 ከተማታት ልኡኻን ንመጽእ ኣለና። ጽላል/ባይቶ ካናዳ ንምምስራት ድማ ድልውነትና ነረጋግጽ።
ዕውት ጉባኤን ፈስቲቫልን ይግበረልና።

ሕጂ ውን ይኣክል#yiakl/kifaya!

 
ዓገብ፣ ባይቶ ይኣክል ሰሜን ኣመሪካ፤ ዓገብ ሽማግል 7 + 2።
ኢፍትሓዊ ገደብ ኣብ ምርጫ፡ ንመሰረታዊ ሞቖሚታት ይኣክል ዝገሃሰ እዩ።!

መስክረም  07/22/2019

ኣብ ዝሓለፈ ቅንያት፡ ባይቶ ይኣክል ሰሜን ኣመሪካ፡  ክትንቀፍ ቀንያን ሕጂ እውን ዓገብ ትበሃል ኣላ።

ዓቢ ትጽቢት ዝተገብርላ ባይቶና፡ ጌና'ውን ቅያ ክትሰርሕ ትጽቢት እንገብረላ ዘለና ባይቶ ይኣክል ሰሜን ኣመሪካ፡ ንገለ -ገለ ጉድለታት ጌጋታት ኣከራኸርቲ ነጥብታት ከምኡ'ወን ብመሰል ምጥሓስ ክስታትን ተጎቢኣ ኣላ።

ኣርባዕተ ጉዳያት፡ ሓንቲኤን ግን እዝያ ከባድ..

ብጉዳይ ባይቶና፡ ኣርባዕተ ኣከራኸርቲ ጉዳያት ክለዓላ ዝኽእላ እኳ እንተኾና፡ እታ ቀንድን ገዛፍን ከባድን ግን ጉዳይ ምጥሓስ መሰል እያ። ብሕጽር ዝበለ፡ እተን ኣከራኸርቲ እየን ዝብሃላ ዘለዋ፡ብርእይቶይ፡ እዘን ዝስዕባ እየን።
1. ጉዳይ ብዙሕነት፣
2. ኣብ ፈይስ-ቡክ፡ ብሓደ ዘጋ፡ ኣብ ልዕሊ ኣምባሳደር ዓንደብርሃን ብዝተፈነዊ ኣውራጃዊ ክሲ ተምኽንዩ፡ ንገለ ዝተኣወጀ ኣገዳሲ መደብ ሲምፖዝዩም ክቕየርን ክስረዝን ምግባር
3. ኣብ ምርጫ ኣካየድቲ ባይቶ ዝተረእየ፣ ንመሰል ዜጋ ዝገሃሰ ኢፍትሓዊ ገደብ
4. 7 ዝተመርጹን 2 ተጠባባቕትን ካብ ሓደ ኣውራጃ እዮም፡ ካብ ካልኦት ኣውራጃታትን ብሄራትን ነቲ ብባይቶ ዝተቐመጠ ገደብን ቀጥዕን ከማልእ ወይ ክበቅዕ ዝኸእል ዋላ ሓደ ኣይተረኽብን ዝብል ብጋህዲ ኣብ መራኸቢ ብዙሓት ምግዋሑ፡

እዘን ኣብ ላዕሊ ዝተጠቕሳ ጉዳያት፡ ከሰክፋ ዝኽእላ ጉዳያት እኳ እንተኾና፣ እታ ከባድን ክምኽነየላ ዝይከኣልን ግን ጉዳይ መሰል እያ፣ እወ። ንዕስራታት ዓመታት ዝተቓለስናላ ጉዳይ መሰል ዜጋ እያ። ኣብ ሃገር ዘሎ ይኹን ኣብ ስደት ዘሎ ዜጋ።

ንልዕሊ 20 ዓመት ክካይድ ዝጸንሔ ቃልሲ፡ ንፍትሕን ንመሰልን ቃልሲ እዩ።

ባይቶ ይኣክል ሰሜን ኣመሪካ፡ ነዚ ንነዊሕ ዓመታት ዝተቓለስናሉ መሰል እዩ ጥሒሱ ተባሂሉ ዝኽሰስ ዘሎ። እቲ ናይ ዜጋ መሰል ዝጥሐሰ ውሳነኡ፡ ነቲ ኣብዚ ግዝያት ብሰውራ ይኣክል ዝለዓል ዘሎ ናይ ፍትሕን መሰለን ቃልሲ በተንታግ ዝሃርምን ዝዕምጽን እዩ። 

እንታይ እዩ እቲ ናይ መሰል ምጥሓስ ዓመጽ?

ባይቶና መራሕቱ ንምምራጽ መምርሒ ኣብ ዘውጽኣሉ ግዜ፡ ኢፍትሓዊ ናይ 3 ዓመት ገደብ ውይ ኩነት ምቕማጡ።

ብሕጽር ዝበለ፡ ኣብ ምርጫ ናይ ኣከየድቲ ይአክል ሰሜን ኣመሪካ፡ ክሕጸ ወይ ኣብ ምርጫ ክኣቱ ዝኽእል ዜጋ፡ ናይ 3 ዓመት ተሞኩሮ ኣብ ተቓውሞ ወይ ኣብ ናይ ፍትሒ ቃልሲ ዘለዎ ክኸውን ኣለዎ ዝብል ወሳነ ብባይቶ ስለ ዝተወሰነ እዩ፡፡ እዚ ኢፍትሓዊ ውሳነ፡ ብግርህና ዘይኮነ፡ ብመደብ፡ ኮነ ኢልካ" ንዝተወሰኑ  መቓልስቶም ንጡፋት ኣባላት ይኣክል ንምውሳንን ንምግላልን ዝተወስደ ናይ ዓመጽ ስጉምቲ እዩ። ንመንእሰያት፡ ንሓደስቲ ተቓልስቲ ዝገለለ ጸረ-ይ ኣክል ስጉምቲ እዩ ዝብሉ እውን ኣለዉ፡፡

ከም ጌጋ፣ ዝሰርሕ ይጋገ፣ ሓዲስ ስለ ዝኾነ፣ ተባሂሉ ክምኽነየሉ ዝኽእል ኣይኮነን። በደልን መስል ምጉዕጻጽን እዩ። መሰል ዜጋ ዓንዲ-ማእከል ስውራ ይኣክል ስለ ዝኾነ። እዚ መሰል፡  ሓደ ዜጋ ክመርጽን ክምረጽን ዘለዎ ዘይልክፍ መሰል ዜጋ ዘጠቓለለ እዩ።

ይኣክል፡ መቐጸልታ ናይ'ቲ ንልዕሊ 20 ዓመት ንፍትሕን መሰልን ዝተኻየድ ቃልሲ እዩ።

ይኣክል፡ መቐጽልታ ናይ'ቲ ንልዕሊ 20 ዓመት ንፍትሕን መሰልን ዝተኻየድ ቃልሲ እዩ። ሕጂ ካብ ሰማይ ዱብ ዝበለ ኣይኮነን፡፣ ናይ መን እሰያት ጥራይ እውን ኣይኮነን። ከም ኣብ ትሕቲ መሬት ምስ ተጎሃሃረ ዝተተፍእ እሳተ ጎመራ እዩ። ነዚ ናይ ይኣክል እሳተ-ጎሞራ ዝፈጠረ፡ እቲ ኣብ ዝሓልፈ ዓመታት ዝተኻየድ ናይ ፍትሕን መሰልን ቃልሲ እዩ።
 

ዓገብ ንዝበሉ "ኣበይ ከይበጽሑ።"

እዚ ኢፍትሓዊ ውሳነ፡ ብመደብ፡ ብኣኸባ ኮነ ኢልካ ዝተውሰደ ስለ ዝኾነ፡ ምጐዕጻጽን በደልን እዩ። ይኣክል ደው ዝበለሉ ዕላማ ምጥሓስን ምፍራስን እዩ። እዚ ከይኣክል፡ ጌጋ፡ ዓገብ፡ እዚ ኢፍትሓዊ ውሳነ ክሰሓብ ኣለዎ፡ ክእረም ኣለዎ፡ እታ በዚ ኢፍትሓዊ መንገዲ ዝተመርጸት ክትወርድን ሓዲስ ፍትሓዊ፡ እሞ ንገዳባት 3 ዓመት ዝውግድ ምርጫ ክግበር ኣለዎ ንዝበሉ "ኣበይ ከይብጽሑ" ኢልካ ብዱዕ ዘረባ፡ ናይ ህግድፍ ልኡኻት ክኾኑ ይኽእሉ ዝብል ዝረባታት ህዝባዊ ርክባት ባይቶ ይኣክል ደረቱ ዝሓለፈ፣ ዘይቁብል ዘይቡሱል ዘረባ እዩ።

እዚ መሰል ዘጋታት ዝጥሓስ ወሳነ ካሳብ ዘይተላዕለ፡ እዚ ንባይቶ ሰሜን ኣመሪካ እውክል እየ ዝብል ጉጅለ 7+2 ሕጋውነት ዘይብሉ ንይኣክል ዝፈንጨለ ኮይኑ ኣብ ታሪኽ ከም ዝጥቀስ ክንግንዘብ የድሊ።

ኣብ መደምደምታ...

 እዚ ናይ መሰል ሕቶ እዩ። ንነዊሕ ግዜ ዝተቓለስናሉ ናይ መሰል ሕቶ። ንመስል ህዝብና እንዳተቓለስና መሰል ብጻይና፡ መቓልስትና፡ ክንጥሕስ ክንዕምጽ ፍጹም ቁቡል ክኸውን ኣይክእለን። ብኣብነት ክንመርሕ ይግባእ።

ሰለዚ፡ ብኣብነት መታን ክንመርሕን ንትጽቢት ህዝቢ ክንበቅዕን፡ ናይ ህዝቢ መረረ ሰሚዕና ነዚ ዝስዕብ  መኣረምታ ክንገብር ንጽዋዕ።

1. ባይቶ ይኣክል ሰሜን ኣመሪካ እብ ምርጫ ዝቐመጦ ናይ ሰለስት ዓመት ገደብ ከልዕል
2. ንህዝብን ንግዳያት እቲ ኢፍትሓዊ ውሳነ ይቕረታ ክሐትት
3. ብህጹጽ ፡ ገደብ ዘይብሉ፡ኤርትራዊ ዜገንተን ኣብ ፍትሓዊ ቃልሲ ህዝቢ ኤርትራ ዝኣምንን ብተወፋይነት ክቃልሰ ቃል ዝኣቱን ቀጥ ዒ ከቐምጥ ንሓዲስ ምርጫ ክጽውዕን ይጥለብ።





 

...ኣዝዩ ዝገርም እንተሎ ግን ገለ ገለ ኤርትራውያን ዋላ ነቲ ትማሊ ኣብ ኣዋሳን ኣዲስ ኣበባን ጎንደርን ብዓይኖም ዝረኣዩዎን ብእዝኖም ዝሰምዑዎን ጥልመት ኢሳያስ ክኽሕዱዎን ንነፍሶም ከተዓሻሽዉን ከመኻንዩሉን ከታልሉን  ክትዕዘብ ከሎኻ ኢዩ።

እቲ ነዚ ርእዩ ዝሰምበደ ዝበዝሕ ህዝቢ ኤርትራ ግን ሎሚ  ነዛ ደቁ ዝኸፈለላ ሃገሩን ህዝቡን ክከላኸል ብሓንሳብ ተንሲኡ ሎምስ በዚሑ "ይኣክል" ይብል     ኣሎ። እንተዀነ ጌና ፍሕት ከይበልና ካብ ገለ ገለ ውልቀ ሰባት ናይ  ምትህልላኻት ዘረባታት ክንዕዘብን ክንሰምዕን ንዕዘብ ኣሎና።   በቲ ኣብ ልዕሊ ሃገርናን ህዝብናን ንነዊሕ ዓመታት ዝተፈጸመ ዘስካሕክሕ ግፍዕታትን፡ ምረትን፡ ሕርቃንን ብገለ ደቂ ሃገር ከምኡ ዓይነት ተቓውሞታትን ጠርጠራታትን ክስማዕ ግን ብዙሕ ዝገርም ኣይኮነን።  እንተዀነ ግን እቲ ዘድሊ ነቲ ጕዳይ ብትዕግስቲ ምቕባሉን ብምጽውዋርን ብምክብባርን ብሕውነትን ብፍቕርን ምፍታሑ ጥራሕ ኢዩ።  ዝዀነ ይኹን ዝሰርሕ ዝዛረብ ሰብ ይጋገ ኢዩ። ጌጋ ይኹን ኣይኹን ንህዝቢ ጌጋ ኰይኑ እንተተሰሚዑዎ "በሉ ተጋግየ ወይ በዲለ እንተተሰሚዑኩምሲ ኣይትሓዙለይ" እሞ እንታይ ንግበር ብኸመይ ነዓርዮ ምባል ግን  ናይ ለባማትን ክኢላታትን ፈውሲ ጽልኢ ኢዩ። እቲ ኣዝዩ ዝገርም ግን እዛ ንእሽቶ ዘይትጠቅም ኣብ መንጎ ኣሕዋት ዘጋጠመት ዘይምርድዳእ ተመስገን ኣምላኽ በሉ ጀሚሮም ከም ኣመሎም ክፈላለዩ ኢዮም ብማለት ዕሱባት  ኢሳያስ ከዳምቑዋን በሉ ርኣዩዎም እዚኦም ኢዮም እቶም ንመንግስትና ክቕይሩ ዝደልዩ ዘለዉ ክብሉን ቀንዮም ኣለዉ። እሞ ንሓድሕድካ ምንዕዓቕ  ጽቡቕ ኣይኮነን። "እንታኻ ካብ እንዳኻ"  ከም ዝበሃል እቶም ኣብቲ ስርዓት ዝነበሩሞ ሎሚ ፈትዮም ኮነ ከይፈተዉ ኣብ ደምበ ፍትሒ ተጸምቢሮም ዘለዉ ሰበስልጣን ነበር ከኣ ፈቲና ጸሊእና ነዚ ንገብሮ  ዘሎና ቃልሲ ኣዝዮም የድልዩዎ ኢዮም።"ንወዲ ኣኽርያስ ወዲ ዕዳጋ ዓርቢ  ይፈልጦ" ከም ዝበሃል  ዘይምዝንጋዕ።  ፍሉጥ ገበናትን ኣብ ልዕሊ ህዝቢ ዘውረድዎ ግፍዕታትን እንተድኣ  ኣልዩዎም  ግን ሎሚ ኣብ ደምበ ፍትሒ ስለዝተጸምበሩ ጥራሕ ጽባሕ ብገበናቶም ኣይሕተቱን ኢዮም ማለት ኣይኰነን። ስለዚ ሎሚ  እቲ  ብቐዳምነት ዘድልየና ዘሎ  ነቲ ኣቦ ገበናት ዝዀነ መራሒኦም ኢሳያስን  ከድዓት ዓሳክሩን ስዓብቱን ካብቲ  ገና ገበን ኣብ ልዕሊ ህዝብና ዝፍጽሙሉ ዘለዉ ስልጣኖም  ሓቢርና ክንቃለሶም እሞ ህዝብና  ናጻ ከነውጽእ ኢዩ።....
Read More